Kabhi Khayal Mein Manzar Jo Eik Rehta Tha
Wahi Jhuki Hui Shakhen Wahi Dareecha Tha
Ussi Ne Phool Khilaaye Tamam Khushiyon Ke
Woh Muskurata Hua Jo Tumhara Lehja Tha
Kisi Ki Aankhein Kahani Suna Rahi Thin Mujhe
Mohabbaton Ka Rawan Bezabaan Dariya Tha
Tumhari Aankhen Samajhti Thhin Dard Mera Bhi
Tumhare Dil Se Kabhi Aisa Eik Rishta Tha
Mere Labon Ki Zameen Par Rawan Tha Naam Uska
Kis Ahtiyaat Se Woh Mere Dil Mein Basta Tha
Mujhey To Roz Hi Milne Ki Usse Khwahish Thii
Magar Wo Bahut Door Mujh Se Rehta Tha.
No comments:
Post a Comment